الأحد، 26 يونيو، 2011

قالو عن النانوايجبت about nano egypt car


يا جماعة حد يعرف أى زميل إشترى سيارة نانو إيجيبت اللى بـ25000 جنية وإيه أخبارها سيارات مصر
5 النقاط عدد الإجابات: 8 عدد الزيارات: 14504
يا جماعة حد يعرف أى زميل إشترى سيارة نانو إيجيبت اللى بـ25000 جنية وإيه أخبارها
ملحق #1 09/01/2010 04:52:56 ص
على فكرة انا رحت الشركة دى وشفت العربية الحمراء الحيدة المعروضة هناك...على الفكرة العربية كما تقول الشركة اختراع مصرى وهى مش نفس المواصفات اللى نشروها قبل كده...هى سلندر واحد ومن غير أى سيور وشكلهامن جوة مفيهاش حاجة...صراحة رحت وكلى أمل ورجعت وأنازعلان جدا يا ريتها كانت بإمكانيات التوك توك لكن دى مفيش...يا ريت كان كلامى غلط أو يكون وعلى كلامهم إن أول دفعة نازلة يوم ٢٠/١/٢٠١٠ وعلى فكرة الحجز مجان
الإجاباتالتصنيف بحسب الوقت التصنيف بحسب التصويت
اريد شرائها اين اجدها


المراجع
[1]
forum.4kwt.com - 404x303
طلب البحث المستخدم: سيارات
[2]
www.bayt4.com - 800x600
طلب البحث المستخدم: سيارات
[3]
www.1tesh.com - 1024x768
طلب البحث المستخدم: سيارات
[4]
talk.m5zn.com - 549x837
طلب البحث المستخدم: سيارات
انا متابعه اخبار السيارة ده من 4 شهور وهى بتبدأ ب 650 سي سي وده اللى ب 25 الف ج وفيه كتير شافوها وجدوا انها دون المستوى وانا اشعر انها تصنيع مصرى 100% لكن هناك 850 سي سي و1100 سي سي و1300 سي سي وده فيه منها الاوتوماتيك والمانيوال
المانيوال ب 38 الف ج والاتوماتيك ب 42 الف ج جميع الكماليات وهى صناعه صينية بأفكار مصرية يعنى متصنعه فى الصين أول عن اخر لكنها غير موجوده الان قدامها شهر او اكتر وتوصل وطبعا لا يخفى عليكم نظافة الصينى واما تكون بأفكار مصرية زى ما بيقولوا فمتهيألى سعرها مناسب جدا والظريف فى الموضوع انك ممكن تروح المعرض وتحجز بملىء استمارة دون ان تدفع مليم واوا ما توصل السيارة بيتصلوا بيك وممكن طبعا تقسط بالتقسيط المريح
وده عنوان المعرض والتليفونات
54 شارع عرفات حدائق القبة
226039686 24559807 0171671687 0122505107




واتمنى لو حد عنده خبرة بالعربيات يزور المعرض ويعاين ويطمننا
انا شوفتها في المعرض بس بصراحة متواضعة جدا زي التكتك


المراجع
[1]
www.hi5.com - 453x606
طلب البحث المستخدم: ahmed desouky
السلام عليكم ياشباب
احب اوضح انى لما سمعت عن السيارة نانو ايجبت حاولت اقرأ عنها واعرف مزيد من الاخبار وبصراحة السيارة امكانيتها متواضعة جدا لكن فى نقطة السيارة مخصصة للنقل لكى تحل محل التكتوك وكلنا عارفين ان التكتوك وسيلة مواصلات غير ادمية بالمرة يعنى لو استبدلنا التكتوك بالسيارة نانو هيكون فى فرق كبير ان دى وسيلة مواصلات ادمية تحترم حق الركاب فى النقل الامن ولا تعرضهم للخطر وفى نفس الوقت وسيلة ستكون مرخصة وليست عشوائية مثل التكتوك واستهلاكها للبنزين منخفض جدا وصيانتها قليلة اذا فهى وسيلة اقتصادية وبالتالى مظهرها حضارى وليست سيئة
وناتى الى الاهم وهو بيت القصيد
السيارة افكار مصرية مائة بالمائة اى ليست سيارة من تصميم اجنبى ولكن لان الشركات المصرية رفضت التصنيع فتم تصنيع السيارة بالكامل فى الصين ولذلك يجب ان نشجع المنتج المصرى حتى يتسنى لنا تصنيعها فى مصر بالكامل وبالتالى ستكون فرص تكلفتها اقل بكثير ويمكن تصديرها للخارج والى الدول المجاورة فيجب ان نشجع المنتج المصرى والافكار المصرية التى تكون خالصة مائة بالمائة فتحية الى كل عقل مصرى يحاول ان يفكر ويسعى الى التنمية فى بلدنا الحبيبة وارجو من القائمين على الامر ان يشجعوا الافكار الجديدة وان نرتقى بهذا البلد وان تكون عندنا صناعة وطنية مثل صناعة السيارات فى يوم من الايام
والكل سيقول اية الكلام اللى انت بتقولة دة ياعم انت السيارة متواضعة جدا هاقولك ان السيار ةانهاردة متواضعة وبكرة لما يحصل تطوير هاتكون احسن من كدة ودة امر طبيعى ان اى فكرة جديدة اول لما بتتولد بتكون بسيطة ومع مرور الزمن والتطور اكيد بيحصل تعديل وافكار جديدة واكيد السيارة سيحدث لها تطوير وتكون افضل من كدة وارجو ذلك لانى بجد بحلم يكون فى صناعة وطنية داخل مصر مثل صناعة السيارات وصناعة السفن وصناعة الطائرات ويكون عندنا مؤسسة للتطوير العلمى بجد ويارب نقدر نحقق دة لان احنا مش اقل من الدول دى مصر فيها امكانيات وعقول جبارة ويارب نحقق اللى انا بحلم بية ونستغنى فى يوم عن احتكار امريكا والغرب لينا
انا من رئى لازم نفتخر ان مصر صنعت حاجه عظيمه زى دى ومتنسوش ان السياره دول كتيره من دول افريقيا استوردتها لانها ممتازه يلا كلنا نشجع منتج بلدنا
يارب مصر تكون دائما الا الامام مبروك على اختراع السياره الجديده ان شاء اللله الا الامام


المراجع
أية ياقماعة يامصارية يافراعنة دي سيارة أول مرة أسمع بيها يمكن تقصدوا تاتا نانو هندي الصنع وهي أرخص سيارة في العالم
وشكرا وبالتوفيق للمصارة والعرب وعلى راسهم اليمن والمسلمين جميـــــــــــــــــــــــــــــــــــــــــــــــعا

عنوان احد موزعين نانو ايجيبت

محافظه طنطا
17 شارع الحياه
المتفرع من شارع الجيش
اما ستاد طنطا

طبعا انا عرفت العنوان ده من موقع contact cars

و العنوان مكتوب في تعليق عن موضوع العربيه نانو ايجيبت

و يا ريت يا جماعه اي عضو يشوف العربيه يصورهلنا كام صوره حلوين
و اي عضو يعرف اي معلومه عنها يقولنا

انا قولت اكتب عنوان الموزع ده علي اساس اي عضو من طنطا يعدي علي الموزع لو يقدر و يقولنا ايه الاخبار

وانا ببحث فى جوجل لقيت الكلام ده مكتوب من موقع كلام عربى وشدنى الصراحة ئولت اشاركم فيه وكان محتوى الكلام كالاتى/

السلام عليكم ورحمة الله

لاحظت فى الفترة الاخيرة اهتمام واضح لكثير من المصريين ببعض الاخبار التى انتشرت عن نزول أرخص سيارة فى العالم للسوق المصرى وهى السيارة نانو من انتاج شركة السيارات الهندية تاتا
وبعد البحث عن أصل الخبر وجدت أن الخبر غير صحيح والصحيح هى سيارة شبيهه بها او ربما
تقليد لها وهى تحمل نفس الاسم مع اختلاف بسيط واسمها نانو ايجيبت والمفاجأه انها مصرية الصنع

والى المهتمين بهذه السيارة هذه المقاله من مجلة عربيتى تتحدث عن هذه السيارة وبعد المقالة هقول رأيى الشخصى فى السيارتين المصرية والهندية


نص المقالة

أرخص سيارة فى مصر قنبلة حقيقية أو وهمية ؟

على غرار تاتا نانو الهندية أرخص سيارة فى العالم أشيع فى الاوساط المصرية عن سيارة جديدة . البعض أعتقد انها تاتا نانو الهندية بينما ذكر آخرون أنها سيارة صينية تقيلد نانو
وبعد البحث عرفنا اسم الشركة التى تنتج هذه السيارة وهى الشركة المصرية للاستيراد والتى ذهبنا الى مقرها وهو عبارة عن شقة فى احدى العمارات فى منطقة حدائق القبة والتقينا بالمهندس رضا غازى سند صاحب الشركة الذى اسهب فى وصف سيارتة الجديدة نانو ايجيبت ومزاياها ووفقا لكلامة فهو قد بدأ بنفسه عمل تصميمات هذه السيارة بأفكار مصرية منذ عام 1996 وتكلفت ابحاثة على حد قوله 15 مليون جنيه !! ولصعوبة تنفيذ الفكرة فى مصر انتقل ال الصين لتنفيذها وعاد لمصر بـ5 نماذج من السيارة التى تشبه التوك توك بشكل كبير وهو تشابه مقصود لانها حسب ما اكده لنا كان وراء تفكيره فى هذه السيارة ظهور التوك توك فى مصر فصمم سيارة صغيرة الحجم بنفس سعر التوك توك تقريبا لتناسب ذوى الدخل المحدود
وأضاف نحن بصدد عمل بروتكول مع شركة حلوان للمحركات والديزل لإنتاج السيارة فى مصانعها وان هناك أكثر من مصنع آخر نسعى للتعاون معه
وردا على كلامة نفت شركة حلوان هذه الاخبار تماما !!

وعلى حد قول المهندس رضا غازى زودت السيارة بموتور من شركة دويتس الالمانية سعته 600 سى سى و
توفر في استهلال البنزين إذ أنها تستهلك 3 لترات لكل 100 كيلو متر كما تتحمل درجة حرارة عالية تصل إلى 50 درجة وهي أقصى ظروف تشغيل
و أن مساحة السيارة الداخلية واسعة وبها إطارات معالجة ضد الثقوب وفتحة سقف وتكييف وباور سترينج وفوانيس شبورة وجهاز كاست كما أن قطع الغيار متوافر بأسعار رخيصة هذا على حد قوله ولكن كل هذه المواصفات تثير علامات استفهام عديدة حول صحتها خاصة بعد ما شاهدنا السيارة على الطبيعة
اما عنسعر السيارة كما ذكره لنا فهو 25000 جنيه

انتهى المقال وهذه هى النقاط الهامة فيه وليس المقال كاملا

وقبل أن اقول رأيى الشخصى اليكم صورة تاتا نانو
وصورة نانو ايجيبت


تاتا نانو الهندية







نانو ايجيبت المصرية
vv




واضح طبعا الفرق ولكن من رأيى ان الفرق فى الشكل فقط وليس فى الجوهر بمعنى ان السيارتين لا يستحقان المجازفة فكلا السيارتين بهما محرك ضعيف وهزيل اشبه بمحرك التوك توك او موتوسيكل من الحجم المتوسط وهذا يجعل السيارة معرضة للاعطال الكثيرة
ثانيا شركة تاتا لها سابقة مؤسفة فى السوق المصرى وكان ذلك فى اوائل التسعينات عندما طرحت فى مصر سيارتها البيك اب ( نصف نقل ) ولم تطرح لها أى قطع غيار وخصوصا قطع الغيار الميكانيكية وهو جاء بالسلب على تلك السيارات المباعة واساء الى سمعة هذه السيارة وخصوصا انها كانت كثيرة الاعطال مما اضطر البعض الى تغيير موتور وآلات جر السيارة بالكامل وهو ما كان يعادل فى هذا الوقت سعر اعلى من سعر السيارة نفسة

اما عن السيارة المصرية فهى لا تحتاج لحديث
فهى سيارة مصنعة بالطلب فى الصين لشركة لا اصل ولا فصل لها
تماما كما يعمل بعض رجال الاعمال عندما يذهبوا الى الصين لتصنيع فوانيس رمضان واستيرادها الى مصر
فهل تعتقدوا ان فوانيس رمضان لها قطع غيار


ملحوظة: سعر السيارتين سيكون تقريبا متشابه وهو حوالى 25 الف جنيه وأعتقد انهم لا يستحقان ربعه وبهذا المبلغ ممكن لراغبى الشراء شراء سيارة مستعملة جيدة وماركة معروفة ومحترمة

ليست هناك تعليقات:

إرسال تعليق