الثلاثاء، 7 يونيو، 2011

من موقع نانو ايجبت

الي من يهمة الامر عن معرفة نانو ايجيبت
(Nokia N9 series)new to the mobile phone Egyptian markets

طبعا كلنا سمعنا ان فيه عربية اسمها نانو وسعرها رخيص لكن كل ماكتب عن العربية كان خاطئ وانا واحد من الناس روحت شفت العربية قدام عيني وعرفت كل حاجة عنها اللي تقريبا معظمنا مهتم انو يعرفها
اولا العربية بتصميم وافكار مصرية لكن مصنعة في الصين لعدم تعاون المصانع المصرية للانتاج المصري
ثانيا سعر العربية 25 الف جنية مصري وممكن تقسيطها عن طريق بنك ناصر بمقدم 5000 وقسط شهري 350 جنية وكل ده بصورة البطاقة ووصل النور فقط
ثالثا العربية مصممة بطريقة فعلا انها تلائم الطرق المصرية والمستهلك المصري ومن اهم المميزات اللي في العربية
1 – العربية بتقدر تستحمل اعلي درجات الحرارة بدون ما الماتور يسخن لان ماتور العربية من ورا وليها ردياتير بمروحة من قدام يعني دورة المياة اللي داخلة للماتور باردة لذلك العربية مبتسخنش
2 – العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة
3 –العربية عالية عن الارض علشان متتأثرش بالمطبات
4 _فيها كاوتش بيلحم نفسو بنفسو
5 –العربية منظرها جميل وصغيرة وواسعة من جوا
6-الماتور 650 سي سي واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم/ س وكمان اللي جربو العربية قالو انها في السفر بتوصل ل 100 كم/ س
7-العربية بدون اسبراتير لانها واحد سلندر يعني مفيهاش اعطال الكهربا وكمان بدون سيور يعني مفيهاش اعطال قطع سيور الماتور
8 –العربية بتستهلك 1 لتر بنزين لكل 30 كلم
ودي يعتبر اهم مميزات العربية لكن فيه مميزات تاني انا بعتبرها كماليات مثلا
1- فتحة سقف
2- باور
3- تكيف سخن
4- فوانيس شبورة
5- سبويلر خلفي مضئ
6- كاسيت حديث
وده تقريبا كل حاجة محتاجين نعرفها عن نانو ايجيبت وياريت بجد اننا نشجع افكار بلدنا ونحاول كمان ان يكون التصنيع في مصر علشان ده بجد هيفرق معانا كتير ويكفي اننا وضعنا اقدامنا علي اول الطريق متمنين لفريق عمل نانو ايجبت النجاح




06 ديسمبر, 2009


Nano Egypt car
احمد الله عز و جل علي هذا التفاعل الغير عادي من المنتديات العامة و الخاصة علي الرد و التفاعل سواء سلبي او ايجابي و لكن الذي يسعدني هو هذا التفاعل من الشباب و الذي يدل علي وعي الشباب فالشباب الواعي هو الذي ينتقد نقد بناء يفيد الجميع فشكرا له و التمس العذر للنقض الهدام لانه لا يعلم الحقيقة فكان لابد من توضيح الحقيقة للطرفين سواء البناء ليزدادو معرفة و الهدام ليعلم الحقيقة لكي يكون نقده بناء و صادق بمعرفة و وعي و مسؤلية نحو نفسه و نحو اخوانه من باقي المجتمع اولا :- السيارة نانو ايجيبت هي افكار مصرية 100 % مسجلة باكاديمية البحث العلمي برقم 2008050741 تحت اسم استخدام الهواء بديلا للوقود العادي البنزين , الديزل , الكهرباء و خلافه و حتي الماء او الهيدروجين في تشغيل السيارات و بالتالي تقليل الاضرار للبيئة و تقليل نسبة CO2 و بالتالي المحافظة علي البيئة و لكي لا يوجد انقي من الهواء يتم استخدامه كبديل للطاقة فكانت الفكرة التي تم تخيلها و هذا اولا ثانيا :- نحن شركة استيراد و تصدير نشاطنا قطع غيار السيارات و بالتالي لدينا خبرة غير عادية في عالم السيارات و خاصة الاتصال بالمصنعين بالخارج او الموردين ما اكسبنا خبرة و تخصص في مجال استخدام الهواء داخل السيارات و خاصة سيارات النقل لان دورة الفرامل بها تعتمد علي الهواء ثالثا :- من خلال دراسة للسوق المحلي لمنتج اسمه توك توك تم استيراد حوالي 750000 توك توك بحوالي 20500000000 عشرون مليار و خمسمائة مليون جنيه اذا فلو وجد المستهلك المصري وسيلة تفي بالغرض و تساهم في عمله و الارتقاء بمعيشته و ادائه العام لو تم صنعها في مصر سنوفر تلك الاموال و بالتالي خلق فرص عمل افضل و المساهمة في النهوض بالصناعة الوطنية فبدا البحث عن تلك المعادلة ما هي الوسيلة الارخص من المواصلات العامة بشرط الفرق لصالح المستهلك و بالتالي تحقيق اكبر مبيعات ممكنة مع هامش ربح بسيط نظرا لارتفاع المبيعات و من هنا بدا عرض الموضوع و لكن لم يصدق احد فكان علي تنفيذ المشروع من خلال الشركة المصرية لتمويل المشروع بالكامل بالتعاون مع شريك صيني و قد كلف ذلك المشروع لانتاج السيارة اكثر من 3000000 مليون دولار فقط علي الاسطمبات ليتم تصنيع ارخص سيارة في العالم بفكر مصري 100 % و ايد صينية فقط لعدم قدرتي علي التصنيع في مصر علما انه في حال تصنيع السيارة في مصر سيكون الفرق مرة اخري لصالح المستهلك و الجميع نعم هذا لو تم هذا التشجيع من الجميع علما ان السيارة نانو ايجيبت اجمد و ارخص من نانو الهندي و يمكن عمل مقارنة سعرية و فنية و سنلاحظ الفرق بالكامل لصالح المستهلك علما انه تم تصدير تلك السيارة الي هولندا و باكستان و نيجيريا هل المستهلك في هذه الدول غير واعي علي العكس تماما فالكل في ظل هذه الظروف الاقتصادية الطاحنة يبحث عن الاحتياجات الحقيقية و ليست الترفيهية ثم هذا هو الاحتياج الفعلي فالسيارة نانو 4 ابواب كاي سيارة عادية مع الفارق في الاستهلاك للوقود كل 100 كم 3 لتر تقريبا ثانيا هل تعلم انك لو استخدمت اي سيارة سعتها 800 CC فان مصاريفها في خلال 5 سنوات حوالي 18500 جنيه عبارة عن بنزين و زيت فقط هل تعلم كم تستهلك نانو ايجيبت 3500 جنيه بمعني انها تقوم بنفس غرض السيارة العادية و الفارق 15000 لصالح المستهلك ثانيا عائد الاستثمار للمستهلك قيمة السيارة 25000 / 60 شهر = 413 / 30 يوم = 13 جنيه قيمة استهلاك السيارة و هذا مثل لتوضيح القيمة المضافة للمستهلك بمعني سيارة ببلاش هل تعلم ان سعر التوك توك حوالي 22000 جنيه و السيارة 25000 جنيه هل رايت الفرق اذا فهي سيارة شعبية الغرض منها المساهمة في تشغيل اكبر عدد من الشباب و المساهمة في انتقال المواطن بصورة متحضرة اذا لماذا لا نساهم جميعا اولم ياتي الوقت لاستبدال التوك توك بما ان السيارة ارخص فعلي سبيل المثال معدل استهلاك التوك توك للوقود حوالي 18 كم في اللتر اما السيارة حوالي 30كم للتر الواحد الزيت يتم تغييره في التوك توك بحوالي 20 جنيه كل اربعة ايام اما السيارة كيلو واحد زيت يكفي 5000 كم تشغيل بمعني السيارة الارخص علما ان المقارنة ظالمة لان هذا التوك توك و هذه السيارة مطابقة لشروط المرور كتراخيص مطابقة للامان لانها سيارة اقل في السعر اقل في استهلاك الزيت اقل في استهلاك البنزين بها كافة الكماليات و انفراد النانو عالميا ان اطاراتها مقاومة للثقوب و الوحيدة المطابقة لظروف التشغيل داخل مصرنا انها سيارة صنعت خصيصا للتشغيل و ليس للملاكي بمعني انها خدمة شاقة نانو صنعت خصيصا للاجواء المصرية و بفكر مستهلك مصري واعي يعلم ما هي الاحتياجات الحقيقية من سيارة علما ان السيارة نانو ليس لها مثيل في العالم بمعني انها الارخص عالميا كسيارة شقية تخاطب اكثر من 62 ِ% من سكان العالم بدليل ان مصر لوحدها بها 750000 توك توك و السودان حوالي 350000 بمعني تم بيع اكثر من مليون توك توك في دولتين فقط فما بالكم بباقي الدول و ما بالكم لو تم تصنيع السيارة في مصر فالاكيد سيتم تصديرها الي تلك الدول و ستدخل تلك الدول معفية من الجمارك و بالتالي ستكون الارخص عالميا في اي دولة عربية و بالتالي دخول عملة صعبة للبلد عن طريق التصدير اذا لماذا لا ندعم هذا الموضوع بما ان الفائدة للجميع و هو تبادل للمنفعة بين الجميع فطالما بدانا بارخص سيارة في العالم فما بالكم بالتطوير القادم ستكون مفاجاة عالمية و وسام علي صدر كل مصري و هي صفر ثاني اكسيد الكربون مافيش عادم اليس هذا المشروع العملاق احق بالدعم من برامج المسابقات او النغمات او غيره لابد ان يعيد الجميع مراجعة الاداء العام و سنري الفرق الواضح فالفشل هو سلم النجاح بشرط الاستفادة من اخطاء الماضي فالصفر هو بداية المليار هذا ليس حلم و لكنها حقيقة ارقام و لكي لا اطيل فحجز السيارة فقط بطلب حجز بدون اي فلوس بمعني من غير و لا مليم و التسليم باولوية الحجز و المقدم 5000 جنيه و القسط الشهري 350 جنيه بالتعاون مع بنك ناصر الاجتماعي و علي فكرة مش لازم تشتري لكن لازم تتفرج و تحكم بنفسك علاشان يكون كلامك في محله و لا ايه ؟ مع خـالص تحيات فريـق عمل نانـو ايجيبت ادارة العلاقـات العامـة

17(Nokia N9 series)new to the mobile phone Egyptian markets


 التعليقات:

tamer يقول...
اخي العزيز ذهبت لشاهدة السيارة وهي بالقطع سيارة عملية تصلح لعمل مشروع صغير ولكن لي ملاحظتان على السيارة وارجو منك التعليق عليهما: اولا: موتور السيارة في المؤخرة لايجد تحته شيئ ليحميه من المياه في حالة الأمطار حيث ان العجلات الخلفة سوف تطرطش المياه بكمية كبيرة على الموتور ثانيا: الفنش الداخلي للسيارة سيئ للغاية من حيث كاوتش تقفيل المساحات الزجاجية غير الأبواب والبرابريز الأمامي والخلفي وكذا التابلوه تقفيله وشكله سيئ جدا اخي العزيز ماهو الحل العملي لهذه الملاحظات ارجو منك الأجابة
IslamabdelkariM يقول...
أولا بهني نفسي وهنيك ثانيا لماذا يتم تصنيعها في الصين ويوجد في مصر الهيئة العربية للتصنيع والكثير الكثير من حيتان تجميع السيارات لمركات عالمية ثالثا أنا مش متخصص بس أعرف 4 سلندر أو 8 لكن ما معني واحد سلندر وكيف تعتمد السيارة على الهواء وكيف تستخدم البنزين والعادم 0% CO2
مسكات طبيعيه يقول...
مش عارفه ليه مش متطمنالها وشكلها مش مريحنى نفسيا
azmeralda82 يقول...
الموضوع حلو اوي بس فية مشكلة افرض انا عايزة حاجة اكبر من كدة شوية وشكلها مودرن اكتراصل المصريين بيحبو ياخدوا كل الكماليات فاية يعني تصنع موديل اضافي مثلا ب30000 واللي عايز يشتري دي يشتري واللي عايز يشتري التانية يشتري وياريت تصنعوها في مصر بلاش الصين اصلنا اتخنقنا منهم
music يقول...
مش عاوز احبط صاحب المشروع ولا الناس اللي بتشتغل فيه ولا الناس اللي هتشتري العربيه بس عاوز اقول حاجه كل الكلام اللي مكتوب فوق ده سطر سطر مش مقنع تماما نهائيااااااااا يعني على سبيل المثال ( – العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة) ليه العربيه كلها مصنوعه من الصاج التقيل هو احنا بنتقدم ولا بنتأخر حضرتك نقطة الامان هنا ان الصاج هو اللي يدمر في الحوادث مش اللي جوه المقصوره (الصالون) معنى كدا ان اي خبطه في العربيه دي الشخص اللي جوه المقصوره هو اللي هيروح في داهيه وخليه فرحان بالصاج بقى مثال تاني (ودي يعتبر اهم مميزات العربية لكن فيه مميزات تاني انا بعتبرها كماليات مثلا- باور- تكيف سخن- كاسيت حديث) هو الباور دلوقتي بقى كماليات ؟؟ طيب خلي هيدروليك يا راجل على الاقل يكون في حداثه في الموضوع وفيها تكييف سخن (يا حلاوه) اومال في الساقع وازاي التكييف بقى كماليات دلوقتي وكاسيت حديث (شرايط ولا سي دي) وكفايه كدا احسن دمي اتحرق من الموتوسيكل اللي لابس عربيه ده واحب اقولك ان حضرتك بتأخرنا مش بتقدمنا ال مواصفات مصريه ال السلام عليكم
mido يقول...
هو حضرتك بتشتغل ايه
elaswad يقول...
و الله شكلها نصب فى نصب و هتقف بعد 2 سنه علشان بتسبب الفضروف للناس ذى الموبيل الصينى ما عملو فيه بعد ما دخلوه البلد
I7V يقول...
تحياتى للمحبطين
PesFox يقول...
يا جمـاعة انا رحت و شفت العربية جميلة جدا واشترتها و ركبتها على طريق مفتوح لقيتها وصلت 120 و عملية جدا مش حد يخاف منها خالص وليها قطع غيـــار اكتر من العربيات الموجودة فى السوق بقالها 20 سنة هى معايا بقالها 5 اشهر اديتها بنزين فى الفترة دى بتاع 7 مرات بنزين لغاية وهى من جوه واسعة جدا و انا وديتها لميكانيكى وقال العربية فيها ميزة ان الرايدتير قدام لان دورة المية فى الماتور بتكون باردة علشـان كدة العربية مش بتسخن خالص هى عربية زى اى عربية وكل النـاس الى بتشكك فى العربية انا وائق انهم حا يشتروها فى يوم من الايام لانهــا صغيرة ومليـانة ميزات و على فكرة الاخ الى بيقول التفنيش من جوة مش حلو واضح انك لا رحت و لا شفت العربية اصلا لان التابلو من جوه جميل جدا و الصالون ايضـا جميل شكرا و الى الامـام و انشــاء الله بعد شوية نشوفـهــا بتتصنع فى مصر و حا اقول حاجة الصين دة شعب عظيــم و الى بيقول الموبايل الصينى دة احب اقولو حاجة ان 71 % من شعب مصر معاه موبايل صينى شكراااا .
mohamed_galal97 يقول...
دى عربية تيتي بنت تيت
mohamed_galal97 يقول...
بس عاوزين نعرف بتيجى منين بالظبط لانى عمرى ما شوفت اختها فى الشارع ولاا هية بتتباع فى السر و بتمشى تحت الارض؟
als7a-algmal يقول...
انا شفت مواضيع كتير بتكلم عن العربيه فى منتديات كتير بس لزم الشركه المصنعه او صاحب الفكره يعدل بعض الاشياء لو دا فعلا حقيقى هناك افراد بيقولو ان العربية مفيهاش مرشدير يعنى مبترجعش للخلف ثانيا ايه فيدة التكيف سخن واحنا فى بلد شبه حارة طول السنه فا من الممكن ان نعلى السى سى بتعها شوية ونزل تكيف متوسط البروده خصتا عوادم السيارات حولك مش هتخليك تفتح النوافز فى الطبيعى فدا هيخنقك جوا العربية لو مفيهاش تكيف متوسط 3 شئ العربية مش متداوله فى السوق وفى طرق دعيا كتر نقدر ننفذها علشان نعرف الناس بالعربية ومش هتكلف الشركه غير حجات بسيطه اهم شئ هو ان يكون فى وكلاء فى كل المحافظات وقطع الغيار تنزل علشان يبقى كل شئ موجود وافضل ان المتور يبقى 2 سلندر بدل واحد مش هتفرق من 3 لتر ل5 لتر كل 100 كيلو المهم ان كفائة العربية تعلى شوية ولو احتجت اى مساعده فى اساليب الترويج للسياره بطرق مختلفه بعيد عن الاعلانات التجارية انا تحت امرك وهتكون اشد من اى دعاية اخرى تقدر تتواصل معى من خلال بريدى dr_alaraby2001@hotmail.com
mizoo يقول...
wla car tamam ana amot we ashtreha bas mnen iaret 7ad i2ol mnen we 3ayzen sour aktr leha mn elda5el iaret we t7eya masr wela el2mam
kira يقول...
سلام الله عليكم ورحمة وبركاته:- العربية مصنعة من الصاج 100% ودا هيخلى العربية اتقل من معظم العربيات ال فى حجمها غير ان ماتور العربية ضعيف جدا وغالبا دا اول سبب هيخلى اى حد يفكر 100 مرة قبل ما يدفع فيها نوص جنيهز العربية عليا عن الارض عشان متحتكش بالمطبات ودى حاجة جميلة بس فى مشكلة فى الكلام دا لان المطب فى مصر مطب جميل اعلى من الرصيف الناس بتمشى عليه وطبعا مش معمول باسس هندسية وطبعاعشان تتفدى مطب جميل ذى دا هتعمل عربية عليا جدا عن الارض وكدا هتبقى العربية سهل انها لا قدر الله تتقلب بسهولة فى الملفات و كمان مش هتبقى سبتة على السرعات العليا الهي تقريبا كده مش هتجبها بالماتور الغريب دا؛ انا بصراحة اول مرة فى حياتى اسمع عن عربية بماتور 650 c.c وكمان 1 سلندر ودى اغرب كمان من موضوع ال 650سى سى وطبعا العربية بالموصفات الغمضة دى هتبقى ضعيفة جدا و يا سلام بقى لو حبيت تحمل فيها حجات من الوزن الثقيل هتبقى السرعتها القصوى مش 80<<>>90 كم دى ممكن اسسان متتحركش من مكنها بسبب ضعف ماتورها الغير قابل لتحمل وزن الصاج المصنعة منه. اسف على الاطالة بس الموضوع بجد غريب شوية على العقل المصرى ..ولا اقصد الاهانة او الاستخفاف بأحد مع العلم طبعا انى مواطن مصرى. تقبلو مرورى ارجو ان تفهمو المغذى من كلامى . سلام الله عليكم ورحمته و بركاته
ahmad550377 يقول...
أنا معجب بالعربية وأود شرائها ولكن - لا أعرف بالضبط مكان المعرض -ثانياً عدم الرد على كل هذه التعليقات ، بعد المقدمة وبيان مميزاتها والتوقف فجأة عن حتى الدفاع كل ذلك وغيره للأسف يخلينى أفكر أكثر من مرة
يقول...
ياجماعه العربيه دى نزل منها لحد 1600 سى سى ده كان اول اصدار وللاسف حصلت بعض التعطيل كالعاده من الجمارك والجهات المسئوله لانهم مش عاوزيين حاجه تضرب مصالح ناس كبيره وان شاء الله هتتصنع فى مصر قريب فى مدينه بدر وهتبقى مصريه 100% والى بيتكلمو عليه ده وانا قبلت واحد من المشتركين فى الفكره دى وكل هدفهم انهم يقللو استهلاك البنزين ويوفرو عربيه رخيصه و مريحه الى حد ما مش قوى يعنى وفيها نوع من الرفاهيه والامان وبعدين الاخت الى بتتكلم على الهيكل الى من الحديد اولا مفيش حاجه اسمها هيكل من الحديد قصد كلامه انه هيكل زى عربيات الترمكو لان لو الهيكل حديد هتبقى مصفحه والموتور مش هيقل عن 2000 سى سى علشان العربيه تمشى وبعدين الهيكل فى اى حدثه هوه الى بيمتص الصدمه مش معنى كده انك لو دخلتى فى عربيه انتى الى هتتكسرى جوه والعربيه هتبقى سليمه من بره مش عربيه ملاهى هيه والى بيتكلمو عن الامان العربيه من ناحيه الامان تعتبر زى 128 مفيشها اى وسائل تامين وبرضه لازم الناس تراعى انها فكره مصريه وتنفيذ صينى يعنى لازم يكون فيها عيوب وبعدين الى مش عاجبه توازنها ممكن يجيب مرسيدس او بى ام او حتى لنسر بدال مش عجباه قوى كده وقارن السعر وهتشوف الثبات والامان وبعدين دى فكره مصريه 100% فيريت حتى لو معجبتكش انقد نقد بناء مش تقول ده نصب ومش عارف ايه والكلام ده وبالنسبه للى بيسئل على العنوان وازاى يوصلهم انا اعرف طريقهم فى اسيوط وهوه اسيوط:شارع يسرى راغب امام رعايه طفل قتلة المعرض:منفلوط بجوار الشهر العقارى الحاج عامر عبدربه ت:0110826803 ت:0122210968 وشكراَ,,,
محمد نبيل
 يقول...
ارخص سيارةفى العالم نانو ايجيبت































 

 نانو ايجبت  1300 سي سي     nano 
   1300 CC nano egypt car  
اولا بعض الصور:- هاهي



انواع السيارات نانو ايجيبت  nano egypt car 2011
nano egypt caصورالسياره نانو ايجبت 1300 سي سي


nano egypt caصورالسياره نانو ايجبت 1300 سي سي

سيارات النانو ايجيبت 1300 سى سى   nano egypt car
  لمزيد عن كل مايخص السيارة  نانو ايجبت بالتفصيل اضغط هنا

ق هذه المقالة قديمة والان جميع (هذه الانواع موجودة وغيرها ولمعرفة اي شئ ادخل على لقرائة المزيد واختر مقالة وكيل نانو ايجبت حيث يمكنك الاستفسار على ما تريد )

  لمزيد عن كل مايخص السيارة نانو ايجبت بالتفصيل اضغط هن
ا 
  لمزيد عن كل مايخص السيارة نانو ايجبت بالتفصيل اضغط هنا


المصرية للاستيراد الوكيل الوحيد للسيارة نانو ايجيبت
العنوان : 54 ش عرفات - حدائق القبة - القاهرة
ت / ف : 26039686 - 24559807
0122505107 - 0171671687




أجمد من النانو الهندى ايه بس ؟! فرق كبير فى التكنولوجيا والخامات والتقفيل لصالح النانو الهندى.

هناك تعليقان (2):

  1. 128 الفيات القديمة احسن من ابوهاو10000 جنيه بس

    ردحذف
    الردود
    1. لو عربية بجد كانوا عملوا لها دعاية على التلفزيون وسيبك من دعاية النت لأن إل عاوز يكذب كذبة بيكتب على النت وهو ده الحال ؟

      حذف