الجمعة، 2 سبتمبر، 2011

راي الناس في السيارة نانو ايجيبت

الأربعاء، 4 أغسطس 2010 - 19:18

اتقوا الله ياأصحاب الاعلان

السلام عليكم ورحمة الله وبركاته
معلش ياجماعة انا ليا رأي تاني خالص العربية دي بجد مش نافعة بجد اللي موجودة في الصورة غير الموجودة علي الطبيعة انا رحت وشوفتها هي مش عربية هي عبارة عن جسم مصنوع من الصفيح كل حاجة فيها مفككة أنا كان نفسي فعلا الصناعة المصرية تمشي وكل المصريين يشتروها بس للأسف في ناس اما بتصنع تشوف أردء شئ وتعمله عشان تكسب مبالغ مهولة
أنا رأيي من اللي شوفته انها متنفعش غير مشروع طالع للتجربة يشوفوا في ناس عذرا في ناس غلابة يضحك بعقلهم والناس مبتجبش فلوس من الهوا وخاصة في الغلاء اللي احنا فيه
اولا اقول لصحاب الشركة دي اتقوا الله وخافوه دي مش عربية دي حاجة اقل من التوكتك وبلاش تعشموا الناس بشئ هم في خايالهم شئ تاني ولما تعرضوا عربية بصورها اعرضوا الحقيقة مش حاجة تضحكوا علي الناس بيها العربية دي في رأيي الشخصي مكلفتهمش غير مابين 8 الي 11 الف فقط ده لو فعلا كلفتهم
ثانيا اقول للناس اللي مستغربين السعر ومبهورين بيه العربية اللي بيقولوا عليها دي في البلد دي مش هتنفع دي مشروع طالب فني صناعي ممكن يعمله بجد التوكتك احلي منها واجمد منها العربية حاجات كتيرة منها بتتفكك ودي متنفعش فعلا عربية وفروا فلوسكم ولو عاوزين عربية اسن عربية اقتصادية وتقريبا بنفس سعر التقسيط للعربية دي هي العربية اللي بيقولوا انهم بيتحدوها بالعربية دي الماروتي سعرها كاش 37350جنيه والشركة المصرية للسيارات عاملة تقسيط حلو انا متأكدتش منه بس هم معلنين عنها في موقعهم
كلا الحالات هي احسن بكتير وعلي الاقل ليها وكيل واسمها عربية وماركة وهي ماركة سوزوكي
وفي النهاية كنت اتمني اننا نلاقي ناس عندهم ضمير عندهم ذمة معندهمش جشع ولكن قدر الله وماشاء فعل وانا لله وانا اليه راجعون وحسبنا الله ونعم الوكيل
الحمدلله علي كل حال
والسلام عليكم ورحمة الله وبركاته
kabiow
الثلاثاء، 8 يونيو 2010 - 13:35

على 12000 تبقى كويسه

والفرق عن ال 25000 تتحمله الشركه المستورده كدعايا و تجارب على اللى هايشتروها
MO242514
السبت، 5 يونيو 2010 - 16:05

تعرفوا اليابان بدات ازاى

لما اليابان بدات الصناعة كانت بتصنع منتجات بسيطة جدا بس الشعب اليابنى وقف جنبها وكانت خيانة ان فى واحد اشترى اي منتج مسورد ولية بديل يبانى لحد ما الصنعة اليبانى وقفت على رجلها ومش محتاجة مدح منى . فايريت كلنا يبقى عندنا الشعور دة ونقف جنب الصناعة المصرية لحد لما تكون صناعة نفتخر بيها
did0  لمزيد عن كل مايخص السيارة  نانو ايجبت بالتفصيل اضغط هنا




الأربعاء، 17 فبراير 2010 - 04:48

بجد فرحان

يا جماعه العربيه دى صغيرة زى ما انتوا بتقولوا بس مفيش حد بيبدأ كبير مسير الشركه دى تعمل اكبر و احسن و تتطور و بعدين يا جماعه العربيه دى مقدمها 5000 و كل شهر 350 جنيه يعنى فى ناس كتير ممكن تركبها و بالزات الستات لان هما مش عايزين سرعه و بعدين مش عايز اشوف ان الناس ضد دة احنا بقالنا سنين مش عارفين نبدا منين كويس ان فى حد لقى الصفر و عرف يبدا انا بجد حاسس ان دى بدايه مبشرة
elghmrawy9
الجمعة، 15 يناير 2010 - 20:03

وعجبى

اعتقد ان السعر مبالغ فيه والبركه فى الجمارك لم ترحم حتى محدودى الدخل فلو كانت الاولويه لهم كما اشاع المسؤلين لرفعو عنها الجمارك نهائيا عجبى
Se7SoCar
الأربعاء، 6 يناير 2010 - 22:08

إتصل وإنت تعرف

السلام عليكم ورحمه الله وبركاته
سيارة محافظات الوجه البحري والقبلي * سيارة لمحدودي الدخل * سيارة لجميع موظفي مصر * سيارة لربات البيوت * سيارة أرخص من المواصلات * السيارة الإقتصاديه الإولي في العالم * سيارة المشروع العمر بديلاً للتوك توك * سيارة 5 راكب بالسائق * كاسيت * سنتر * ضمان 10000كم * عفشة سوزوكي * إطارات معالجة ضد الثقوب * مساحه داخلية واسعة * أعلي إرتفاع عن الأرض .


حبيت أوضح بعض النقاط عن السيارة نانو إيجيبت وذلك كما هو موضع بالإعلان بملحق الجمهورية للسيارات لأني فعلاً لدي هذا الملحق المتضمن الإعلان عن السيارة والسيارة بـ 25000 جنية والبيع بالتقسيط - انظمه متعددة في حاجة مهمة عايز أضيفها اني مش وتيق من موضوع إن السيارة مصنعة 100% مصري مصر عمرها مكانت بلد مصنعه للسيارت ولكنها بلد تجميع ولدينا مصانع في 6 اكتوبر كتير لتجميع السارات ومن أبرزها تجميع المرسيدس الأماني لكن موضوع التصنيع حتي ولو كانت سارة نانو .. طيب علي كدا الأولي نصنع التوك توك بدل ما نستورده من الخارج ودا مش معناه إني رافض مبدأ التصنيه المحلي لا أبداً .. طب يااااااريت يحصل هو والواحد يكرة يشوف سيارة مصؤرية عربية خالصة الصنع وحق تصنيعها لمصر .. ياريت ياريت .


معلومات إضافية للي يحب التوصل لمعلومه نقصاه عن السيارة نانو إيجيبت :
الوكيل الوحيد المصرية للإستيراد : عنونها 54 شارع عرفات - حدائق القبة أمام مستشفي الأمل .
تليفون وفاكس : 26039686 - 24559807
مـــوزعـــون :
السنبلاوين : أول طريق المنصورة 0106583586 - 0115300900
دمياط الزرقا - الكاشف أزل طريق المنصورة 0102077727
دقهلية 506161945 - 94460506 - 0106661915 - 0191120068


خدمه مابعد البيع :
نانو سيرفس : 58 ش عرفات - حدائق القبة
تليفون : 024546818 - 0122742182
خدمه العملاء : 0122505107
الدعم الفني : 0125939589
وديه تليفونات وعنوان معرض سيارت نانو إيجيبت وإلي عندة الرغبة في الإستفيار عن السيارة يكلمهم ويستفهم منهم عن إلي هو عايزة .. ونصيحة في التأني السلامة وفي العجلة الندامة .. ولو في إستطاعتك إنك تقوم بزيارة لرؤية السارة علي الطبيعة يكون أفضل من رؤيتها علي موقع الإنترنت أو في صورة علي إعلان جريدة .. وتوكل علي الله وهو خير الحافظين
ramlyamir2010
الأربعاء، 25 نوفمبر 2009 - 15:23

أين مقر الشركة ؟

أريد أن أعرف مقر الشركة أو أحد أفرع الوكلاء وذلك للأهمية . رقم التليفون 0125390277
ssss3
الأربعاء، 11 نوفمبر 2009 - 20:58

حقيقه و لا وهم؟

لو سمحتم حد يقولي أكام مين في مصر أسأله عن العربيه دي أو أشوفها؟ شركه المصريه للاستيراد دي مكانها فين أو تليفونها كام؟ أنا رحت المصريه للسيارات سألت هناك و مش عارفين حاجه عن العربيه دي
shareif_s
الأربعاء، 11 نوفمبر 2009 - 19:38

بداية جيدة ..خطوة علي الطريق

السلام عليكم الاخوة الاعزاء ان كانت فعلا السيارة مصنوعه في مصر بنسبة 100% فهذه خطوة رائعة علي سبيل الصناعة قد تكون متأخرة ولكنها جيده "ما لا يدرك كله لا يترك كله " هناك صناعة تجميع لماكينات صناعة بلاستيك وصناعة حديد وصلب وورش حديثة وصناعات تكميلية .. ارجوكم لا يجب ان نوقف كل فكره ونستهزا بكل جديد قبل تجربته وحتي يجب ان نشجعه ونقف لجانبه .. قد تكون صغيره وليست كمثيلتها الماليزية 100% والمتفوقه كما وكيفا ولكن كيف بدأت ماليزيا بالبروتون .. خطوه خطوة الي ان اكتملت بعد سنوات 100% .. ستكون ان شاء الله نواة لتصنيع اول سيارة عربيه وايصا في بلد اسلاميه ...استعينوا بالله ولنضيئ شمعه بدلا من لعن الظلام وليسأل كل عضو نفسه ماذا قدم هو لمصر بفكره واضاف؟ ..انا متأكد كلنا سنقف خلفهم ونساعدهم ... وكما قال الاخ كيف بدأت الصين ؟ وماذا كانت منتجاتهم وماذا اصبحت الان ؟ لن نكون اقل من الصينين وطنية وحبا لبلدهم .. دعوا السيارة تباع وتكتشف عيوبها ثم نحكم عليها ونطور العيوب ونصل للافضل خطوة بخطوة الله معكم ييسر امركم .. ارجوكم قولو برافو شركة حلوان وربنا يوفقهم ويهدي لامتنا من يأخذ بيدها للافضل والارقي والاحسن م. شريف
medo_tourkey
الثلاثاء، 10 نوفمبر 2009 - 13:47

انا محتاجها فعلا

اشتيريها منين
omanking
الثلاثاء، 10 نوفمبر 2009 - 03:05

مش فاهم ؟

سعر 20 الف يعتبر سعر غالي جدا بنسبة لعربية منتجة محليا .كما انها تشبة فئتها من السيارت الشيعوية المنتجة في الصين وشكلها اشبة ماتكون بمتسكل
xyxy
الأثنين، 9 نوفمبر 2009 - 22:36

بلد تعيش في الظلام والجهل

يا جماعة العربية دي جامدة جدا دي بتتحمل درجة حرارة 50 درجة ودي ميزة مش موجودة في اي عربية يعني لو واحد صعيدي اشتراها في اسوان هاتسيح زي الكونو وايس كريم بطلوا فشل الهم لا اعتراض ضحكتو الناس علينا
dardery66
الأثنين، 9 نوفمبر 2009 - 19:42

3 سلندر !!!!!!

حلوه بس صفرا
life_lover
الأثنين، 9 نوفمبر 2009 - 13:45

ياريت

ياريت اى حاجة بس أشوف عربية صنع فى مصر قبل ماأموت ....على فكرة أنا مش عجوز أوى بس عندى خيبت أمل كبيرة أوى....شريف إسماعيل
esmeil
الأثنين، 9 نوفمبر 2009 - 11:08

نانو المصريه

العربيه دى 3سلندر وسعه الموتور 700 سىسى وهى مصريه وفى نانو هندى (من بلد المنشا الاصلى) وفى نانو صينى شركه جبتها لمصر وفيه نانو مصرى من شركه حلوان
asemf
الأثنين، 9 نوفمبر 2009 - 08:33

كام سى سى

كام سى سى وشكلها من جوة وبره أزاي بالضبط (يعني لو زي التاتا نانو أو الماروتي بس صيني) حروح أشتريها من بكرة
eng_ayman_el_adawy
الأثنين، 9 نوفمبر 2009 - 07:45

الحل الأسهل

الحل الأسهل لكل المصريين هو أن تقوم الشركة المنتجة للسيارة "شركة حلوان ومحركات الديزل" بتنظيم مؤتمر صحفى للافصاح عن مميزات السيارة الجديدة من خلال حلبة تجارب للسيارات كما تقوم الشركات الكبرى مع بداية دخول موديل جديد للسوق مع دعوة جميع الخبراء والمهتمين بالحدث الجديد لتجربة ومشاهدة السيارة وإبداء رايهم فيها قبل نزولها الى السوق المصرية وياريت تدعونى لهذا الحفل - مهندس أيمن العدوى - 0182622100
moonty
الأحد، 8 نوفمبر 2009 - 05:16

ارحموا الاستخفاف بعقول الشعب المصرى

يعنى دى هاتستحمل مطبات وبلاعات وحفر وفواصل الكبارى و .... بتاعت الطرق ؟؟ طيب ولو طلعت بيها على الدائرى ولا طريق سفر وعدى جامبك نقل ولا مقطورة او اتوبيس مش هاتطير من على الارض !! وفى حالة الحوادث لقدر الله مش هاقول اذا تنفع تتصلح وترجع تانى المهم اللى راكبين جواها هاينفعوا هما يتصلحوا دة لو خرجوا منها !! دة بعد الشر .. يا ناس احنا فى بلد الطرق بتاعتها عايزة دبابة بجنزير مش عجل وكاوتش .. لما يبقى فى نظام وطرق ممهدة ومئهلة للسير بشكل عام احنا ممكن تركب بسكلتة ونستغنى عن فكرة العربيات دى اصلا طالما الاسعار والمنتجات بالمنظر العجيب دة ..
mo5tarlovers
السبت، 7 نوفمبر 2009 - 17:38

NaNo Egypt

والله انا شايف انها كويسه لطبقة معينة من الشعب وللناس اللي استخدامهم للعربية بسيط من البيت للشغل للنادي ويدوب مشاوير جوا البلد وبعدين عربية زي دي لو نازله بالقسط كل البلد هتشتريها لأن مقدمها هيبقي في حدود ألفين جنية وقسطها 200 جنية ده لو 10% من تمن العربية يعني كأنك بتشتري موبيل يارييت مانحكمش علي حاجه من غير ما نشوفها ونشجع الصناعه المصرية ونخليها تكبر زي العربيات الصيني لما ابتدت بجيجي و QQ الحاجات الصغيره ده ودلوقتي بتعمل برليانس جالينا فا ياريت نشجعهم ويارب يوصلوا لمستوي كويس
hager778
الجمعة، 6 نوفمبر 2009 - 19:40

تعليق

كويسة بس صغيرة اهو تنفع الزحام ال موجود فى مصر علشان نلاقى ركنة بس ياريت تبقى سى سى عالى علشان تتحمل المشاوير
Sign In or Sign Up now to post a comment!
  • جميله جدا
  • انتم احسن حاجة عنكم تقعدوا تتصيدوا الكلام
    دا في هندي ارخص......دي مش واسعة.....دا لونها مش مريحني
    يا عم ارحمونا....طب ماسمعناش ليه عن نانو السعودية!!!
  • السياره  النانو الهنديه ب16 الف جنيه ف السعوديه ودي اصغر وارخص سياره بالعالم
  • الواحد كل ما يكون عنده امل يشوف الهبل دا و يكتشف حجم التخلف اللي وصله الشعب المصري ناس لا بتتكلم بمواصفات ولا اي علم وكله كفته ...عروض من السعودية ومن قطر ههههههههههه انتا عارف بعشر الاف ريال سعودي ممكن تجيب عربية شكلها ايه يا بقرة ..عارف بالفين دولار ممكن تجيب عربية شكلها ايه في امريكا !! وناس عايشة فالمهلبية واحلى حاجة الاهبل اللي قابض و بيقدم الاعلان دا
  • المصريين هم اذكي شعوب العالم
ونحلق النروح الشغل بدرى هههههههههههههه

ليست هناك تعليقات:

إرسال تعليق